1 Եւ դու, մարդի որդի, քեզ համար մի սուր դանակ առ, քեզ համար մի սափրիչի ածելի առ, եւ ա անց կացրու գլխիդ վերայով եւ մօրուքիդ վերայով, եւ քեզ համար կշռորդով մի կշիռք առ եւ մազերը բաժին բաժին արա։ 2 բ Մի երրորդը կրակով այրիր գ քաղաքի մէջ, երբոր դ պաշարման օրերը լրանան եւ մի երրորդն առ եւ դանակը կտորիր նորա շուրջը, իսկ մի երրորդը ցրիւ տուր օդի մէջ, եւ ես սուր պիտի մերկացնեմ նորանց ետեւից։ 3 ե Եւ նորանցից մի սակաւ թուով առ, եւ ծրարիր նորանց քղանցքներիդ մէջ։ 4 Եւ էլի առ նորանցից եւ զ կրակը գցիր նորանց եւ կրակով այրիր նորանց. Նորանից կրակ պիտի դուրս գայ բոլոր Իսրայէլի տան համար։
5 Այսպէս է ասում Տէր Եհովան Այս է Երուսաղէմը. Ես դրել եմ նորան ազգերի եւ նորա շրջակայ երկիրների մէջը։ 6 Բայց նա ապստամբուեց իմ իրաւունքների դէմ ազգերիցն աւելի չարութիւն գործելով, եւ իմ կանոնների դէմ շրջակայքում եղող երկիրներից աւելի. Որովհետեւ նորանք մերժեցին իմ դատաստանները եւ չ’գնացին իմ կանոններովը։ 7 Դորա համար այսպէս է ասում Տէր Եհովան. Որովհետեւ դուք աղմկեցիք աւելի քան թէ ձեր շրջակայքում եղող ազգերը՝ իմ կանոններումը չ’գնացիք, եւ իմ իրաւունքները չ’արիք, եւ է ձեզ շրջապատող ազգերի սովորութիւնների պէս էլ չ’արիք, 8 Դորա համար այսպէս է ասում Տէր Եհովան. Ահա ես էլ քեզ դէմ եմ, եւ քո մէջ դատաստաններ պիտի անեմ, ազգերի աչքի առաջին։
9 Եւ քեզ ը այն բանը պիտի անեմ, որ նորա նմանը երբէք էլ չեմ արած եւ չեմ էլ անիլ, քո բոլոր գարշելութիւնների համար։ 10 Դորա համար քո մէջ թ հայրերը պիտի որդկանցը ուտեն, եւ որդիքը պիտի իրանց հայրերին ուտեն, եւ քեզ դատաստաններ պիտի անեմ, եւ քո բոլոր մնացորդը պիտի ցրիւ տամ ժ բոլոր կողմերը։ 11 Դորա համար կենդանի եմ ես, ասում է Տէր Եհովան, որովհետեւ ի դու պղծեցիր իմ սրբարանը լ քո բոլոր պղծութիւններովը եւ քո բոլոր գարշելութիւններովը. Ես էլ պիտի քեզ կոտրեմ եւ խ աչքս պիտի չ’խնայէ, եւ ես էլ պիտի չ’ողորմեմ։ 12 ծ Քո մի երրորդը ժանտախտով պիտի մեռնեն եւ սովով պիտի վերջանան քո մէջ, եւ մի երրորդը սուրով պիտի ընկնեն քո շուրջը, կ իսկ մի երրորդը ցրիւ պիտի տամ բոլոր կողմերը եւ հ սուր պիտի մերկացնեմ նորանց ետեւիցը։ 13 Եւ ձ իմ բարկութիւնը կ’կատարուի, եւ ղ պիտի հանգստացնեմ իմ սրտմտութիւնը նորանց վերայ եւ ճ վրէժ պիտի առնեմ. Եւ մ պիտի գիտենան, որ ես Տէրս եմ խօսել իմ նախանձովը, երբոր իմ բարկութիւնը կատարեմ նորանց վերայ։ 14 Եւ ես քեզ պիտի յ աւերմունքի եւ անարգանքի մատնեմ քեզ շրջապատող ազգերի մէջ ամեն անցնողի աչքի առաջին։ 15 Եւ դու ն անարգանք ու նախատինք, խրատ եւ զարմացում պիտի դառնաս քեզ շրջապատող ազգերի համար, շ երբոր ես քեզ վերայ դատաստաններ անեմ, բարկութիւնով եւ սրտմտութիւնով եւ բարկութեան պատիժներով. Ես Տէրս եմ ասել։
16 Երբոր ո սովի չար նետերը նորանց վերայ գցեմ, որ նորանց ապականեն, որոնք ես պիտի գցեմ ձեզ փչացնելու համար, սովն էլ եմ աւելացնելու ձեզ վերայ, եւ չ ձեր հացի ցուպը պիտի կոտրեմ։ 17 Եւ ձեզ վերայ սով պիտի ուղարկեմ եւ պ չար գազաններ, որ քեզ անզաւակ անեն. Եւ ջ ժանտախտ ու արիւն պիտի անցնէ քո միջովը, եւ սուր պիտի բերեմ քեզ վերայ. Ես Տէրս եմ ասել։
Եզեկիել 5